शिंदे सरकारची मेगा पोलीस भरती; ‘इतक्या’ जागांसाठी निघाली जाहिरात

मुंबई : उपमुख्यमंत्री आणि गृहमंत्री देवेंद्र फडणवीस यांच्या उपस्थितीत गृह विभागाची बैठक झाली, त्यानंतर राज्यातील पोलीस भरतीबाबत महत्त्वपूर्ण निर्णय घेण्यात आला. 14 हजार 956 पदे पोलीस कॉन्स्टेबल पदासाठी असणार आहेत. राज्यातील सर्वाधिक रिक्त पदे मुंबई पोलिसांमध्ये भरण्यात येणार आहेत. मुंबईत 6 हजार 740 तर पुणे शहरात 720 पदे भरण्यात येणार आहेत.

राज्य पोलीस मुख्यालयाने 2021 मधील रिक्त पदांची आरक्षणनिहाय यादी जाहीर केली आहे. रिक्त पदांमध्ये खुल्या प्रवर्गातील 5 हजार 468 पदांचा समावेश आहे. १ नोव्हेंबरपासून पोलीस भरती प्रक्रियेला वेग येण्याची शक्यता आहे. जिल्हानिहाय जाहिरात १ नोव्हेंबर रोजी प्रसिद्ध होणार आहे. अशा सूचना पोलीस महासंचालकांनी राज्यातील पोलीस आयुक्त आणि पोलीस अधीक्षकांना दिल्या आहेत
पुढील महिन्याच्या पहिल्या आठवड्यापासून ही प्रक्रिया सुरू होईल. 3 ते 30 नोव्हेंबर या कालावधीत भरतीसाठी अर्ज स्वीकारले जातील. यासाठी पोलीस भरतीची माहिती policerecruitment2022.mahait.org आणि WWW.mahapolice.gov.in या वेबसाइटवर उपलब्ध असेल. दरम्यान, अर्जदार एकाच विभागातील एका पदासाठी एकापेक्षा जास्त अर्ज सादर करू शकत नाही. उमेदवाराने चुकीची माहिती दिल्यास उमेदवारी कोणत्याही टप्प्यावर रद्द केली जाईल.
या ठिकाणी भरल्या जाणार जागा

मुंबई – 6740, ठाणे शहर – 521, पुणे शहर – 720, पिंपरी चिंचवड – 216, मिरा भाईंदर – 986, नागपूर शहर – 308, नवी मुंबई – 204, अमरावती शहर – 20, सोलापूर शहर- 98, लोहमार्ग मुंबई – 620, ठाणे ग्रामीण – 68, रायगड -272, पालघर – 211, सिंधूदुर्ग – 99, रत्नागिरी – 131, नाशिक ग्रामीण – 454, अहमदनगर – 129, धुळे – 42, कोल्हापूर – 24, पुणे ग्रामीण – 579, सातारा – 145, सोलापूर ग्रामीण – 26, औरंगाबाद ग्रामीण- 39, नांदेड – 155, परभणी – 75, हिंगोली – 21, नागपूर ग्रामीण – 132, भंडारा – 61, चंद्रपूर – 194, वर्धा – 90, गडचिरोली – 348, गोंदिया – 172, अमरावती ग्रामीण – 156, अकोला – 327, बुलढाणा – 51, यवतमाळ – 244, लोहमार्ग पुणे – 124, लोहमार्ग औरंगाबाद -154, एकूण – 14956

कोणत्या प्रवर्गाला किती जागा?

अनुसूचित जाती – 1811, अनुसूचित जमाती – 1350, विमुक्त जाती (अ) – 426, भटक्या जमाती (ब) – 374, भटक्या जमाती (क) – 473, भटक्या जमाती (ड) – 292, विमुक्त मागास प्रवर्ग – 292, इतर मागास वर्ग – 2926 इडब्लूएस – 1544, खुला – 5468 जागा, एकूण – 14956